Պենելոպա Քրուզն իրեն հյուծվածության է հասցրել, իսկ Խավյեր Բարդեմը փրկել է նրան

Պենելոպա Քրուզը եւ Խավյեր Բարդեմն ամուսնացած են արդեն ինը տարի, եւ ամենայն հավանականությամբ կինեմատոգրաֆիայում ամենահետաքրքիր, խարիզմատիկ զույգն են։ Սակայն քչերը գիտեն, որ ամուսինը Պենելոպա Քրուզի համար փրկություն է դարձել, երբ վերջինս իրեն տանջում էր տառապանքով։

«Երբ ես երիտասարդ էի, այն համոզմունքին էի, որ որքան շատ եմ ինքս տառապում, այնքան ուժեղ կստացվի կերպարը։ Ես կարող էին այդպես ապրել ամիսներով՝ ինձ հասցնելով լիակատար նյարդային  հյուծման»,- պատմել է Քրուզը։

Արդյունքում դերասանուհին հայտնվել է խորը ճգնաժամում, որից նրան հանել է ամուսինը։ «Խավյերն ինձ սովորեցրել է սահմաններ գծել կինոյի ու անձնական կյանքի միջեւ»,- խոստովանել է ռեժիսոր Պեդրո Ալմոդովարի մուսան։ Պենելոպaն հիշել է իր ամենաբարդ աշխատանքի մասին։ Խոսքն իրանցի ռեժիսոր Ասhար Ֆարhադիի «Անցյալի լաբիրինթոսներ» ֆիլմի մասին է։ Նա այնքան պահանջկոտ էր դերասանների նկատմամբ, որ դժգոհություն է արտահայտել նույնիսկ Քրուզի վիրտուոզ խաղի վերաբերյալ։ «Ես հաճախ էի լսում՝ «Դու ստում ես, կեղծում»»,- պատմել է հայտնի դերասանուհին։

Նկարահանումները տեւել են չորս ամիս։ Նյարդային հողի վրա դերասանուհին լուրջ հիվանդացել է, նա բարձր ջերմություն ու տենց է ունեցել։ Սթրեսի պատճառով տեղի է ունեցել խուճապային խանգարում, արյան մեջ բարձրացել է շաքարի մակարդակը։ Պենելոպային շտապ հոսպիտալացրել են։

Հենց նրա ինքնազգացողությունը մի փոքր լավացել է, ռեժիսորը խնդրել է եւս մեկ դուբլ նկարահանել։ Այժմ արդեն դերասանուհին այս մասին ժպիտով է հիշում, սակայն այդ ժամանակ հարազատները լրջորեն անհանգստանում էին նրա կյանքի համար։ «Նկարահանման վերջին օրն ինձ այնպես էի զգում, կարծես դուրս էի եկել բանտից»,- դերասանուհու խոսքերը մեջբերում է «7days»-ը։

Մինչ այդ աստղերը հանդիպել են երեք տարի՝ զգացմունքները ստուգելու համար։ Պենելոպան եւ Խավյերը դաստիարակում են 8-ամյա որդուն՝ Լեոնարդոյին եւ 5-ամյա դստերը՝ Լունային։

Աղբյուրը՝ News.am

Related posts

Leave a Comment