20 իմաստուն ասույթ գրականության մասին

  1. Ընթերցանությունը մտքի համար նույնն է, ինչ ֆիզիկական վարժությունը՝ մարմնի: Ադիսոն
  2. Պատահական հանդիպումը լավ գրքի հետ կարող է ընդմիշտ փոխել մարդու ճակատագիրը: Մարսել Պրևո
  3. Գրքերը հեռավորների ու ննջեցյալների ձայներն են. նրանք մեզ դարձնում են անցած դարերի հոգևոր կյանքի ժառանգորդները: Չենինգ
  4. Գեղեցիկ գրել նշանակում է միաժամանակ գեղեցիկ մտածել, գեղեցիկ զգալ ու գեղեցիկ արտահայտվել, այսինքն՝ հավասար չափով տիրապետել խելքին, հոգուն ու ճաշակին: Բյուֆոն
  5. Երիտասարդ բանաստեղծներն իրենց թանաքի մեջ շատ են ջուր լցնում: Գյոթե
  6. Ոճը գաղափարների ծնունդ է, ոչ թե բառերի: Բալզակ
  7. Ստեղծագործությունները հոգիներում հասունանում են նույնքան գաղտնախորհուրդ, որքան գետնասունկը՝ Պերիգորի անուշաբույր հարթավայրերում: Բալզակ
  8. Սկզբից կարդացեք ամենալավ գրքերը, այլապես կարող է այնպես պատահել, որ չկարդաք դրանք ընդհանրապես: Թորո
  9. Սովորական գրողի համար որոշակի նրբագեղությամբ իր մտքերն արտահայտելու հնարավորությունը գնվում է լեզվի ամորձատման հաշվին: Ֆրիդրիխ Էնգելս
  10. Հմուտ գրվածքը նման է անվաչմուշկի. այն ձեզ տանում է այնտեղ, ուր դուք ամենևին չէիք կամենում: Էմերսոն
  11. Այն ամենը, ինչ գրականության մեջ հնարավոր էր անել շեքսպիրյան եղանակով, Շեքսպիրը հիմնականում արդեն արել է: Լիխտենբերգ
  12. Աշխարհում չկա ավելի դժվար գործ, քան մարդու մասին հասարակ, ազնիվ արձակ գրելը: Հեմինիգուեյ
  13. Գրականությունը հասարակական երևույթ է: Հենրիխ Ման
  14. Եթե չկա հակասություն, չկա և դրամա: Հակառակորդը կարող է լինել բեմի վրա և բեմից դուրս՝ կուլիսների ետևում, բայց նա անպայման ներկա է դրամայում: Բեռնարդ Շոու
  15. Գրականության ոչ մի ժանր այնքան մտացածին բան չի պարունակում, որքան կենսագրականը: Չենինգ
  16. Ես գրչի ու թանաքի ստրուկն եմ, գաղափարների իսկական առևտրական: Բալզակ
  17. Անհնար է գրել մի երկ, որը կգոհացնի բոլոր ընթերցողներին: Սերվանտես
  18. Մշտական հարստությունը փափկակյաց է դարձնում, մշտական հավանությունը բթացնում է. միայն դադարն է պարապ ռիթմին հաղորդում նոր լարվածություն ու ստեղծագործական ճկունություն: Ստեֆան Ցվայգ
  19. Այն մարդը, ով ընդհանրապես ոչինչ չի կարդում, ավելի կրթված է, քան այն մարդը, ով բացառապես լրագրեր է կարդում: Թոմաս Ջեֆերսոն
  20. Մեծ գրողը պետք է ընդգրկի մարդկային գոյության բոլոր կողմերը: Մորուա

Related posts

Leave a Comment