ՈւԵՖԱ-ն որոշել է Չեմպիոնների լիգայի 1/4 և 1/2 եզրափակիչների անցկացման ձևաչափը

Եվրոպական ֆուտբոլային ակումբների ասոցիացիան և ՈւԵՖԱ-ն համաձայնության են եկել Չեմպիոնների լիգայի 1/4 և 1/2 եզրափակիչի հանդիպումների անցկացման ձևաչափի վերաբերյալ: Cadena Ser-ը տեղեկացնում է, որ դիմակայության հաղթողները հայտնի կդառնան 1 խաղում՝ չեզոք ստադիոնում: Հանդիպումները կանցկացվեն առանց հանդիսականների: Սպասվում է, որ Չեմպիոնների լիգայի մրցաշրջանը կվերսկսվի օգոստոսին: Նշենք, որ կորոնավիրուսի պանդեմիայի պատճառով Եվրոպայի բոլոր երկրներում, բացառությամբ Բելառուսի, դադարեցված են բոլոր ֆուտբոլային առաջնությունները: Աղբյուրը՝ News.am

Read More

ՉԼ-ի եւ ԵԼ-ի հաջորդ մրցաշրջանի խմբային փուլերը կմեկնարկեն հոկտեմբերին

ՈւԵՖԱ-ն նախնական որոշում է ընդունել Չեմպիոնների լիգայի եւ Եվրոպայի լիգայի հաջորդ մրցաշրջանի մեկնարկի վերաբերյալ, եթե հաջողվի ընթացիկ մրցաշրջանն ավարտել օգոստոսին, հաղորդում է Sport.es-ը։ Նախատեսվում է Չեմպիոնների լիգայի խմբային փուլի առաջին տուրն անցկացնել հոկտեմբերի 20-21-ին, Եվրոպայի լիգայի խմբային մրցաշարի առաջին տուրը՝ հոկտեմբերի 22-ին։ Եվրագավաթային մրցաշարերի որակավորման փուլը նախատեսվում է անցկացնել հուլիս-օգոստոսին։ Մրցաշարերը դադարեցված են կորոնավիրուսի պանդեմիայի հետեւանքով։ Աղբյուրը՝ News.am

Read More

«Ալաշկերտը» հաղթեց «Վեստ Արմենիային»՝ 8։1

Երեւանի «Ալաշկերտը» ստուգողական խաղում մրցեց «Վեստ Արմենիայի» հետ եւ առավելության  հասավ 8։1 հաշվով։ «Ալաշկերտի» կազմում հեթ-տրիկի հեղինակ դարձավ Ալեքսանդր Գլիշիչը, դուբլ ձևակերպեց Նիկիտա Տանկովը, մեկական գոլ խփեցին Տիագո Գալվաոն, Գուստավո Մարմենտինին, Դավիթ Գատիկոեւը, հայտնում է ակումբի մամուլի ծառայությունը։ Մայիսի 14-ին «Ալաշկերտը» ստուգողական խաղում կընդունի «Արարատ-Արմենիային»: Աղբյուրը՝ News.am

Read More

«Ջենոայի» նախագահ. Մրցաշրջանի վաղաժամ ավարտը կործանարար հետևանքներ կունենա թիմերի համար

Իտալական «Ջենոայի» նախագահ Էնրիկո Պրեցիոզին նշել է, թե ինչ հետևանքներ կլինեն, եթե Իտալիայում ֆուտբոլային մրցաշրջանը չվերսկսվի: «Եթե մրցաշրջանը չվերսկսվի, ապա իտալական ակումբների մեծ մասը սնանկ կճանաչվի: Ովքեր աշխատում են այս ոլորտում, շատ լավ հասկանում են, թե ինչ կկատարվի մրցաշրջանը չեղարկելու դեպքում: Մենք սպասում ենք կառավարության որոշմանը, որպեսզի սկսենք մրցաշրջանի վերսկսման նախապատրաստական աշխատանքները»,- Պրեցիոզիի խոսքը փոխանցում է Radio Rai-ն: Հիշեցնենք, որ Ֆրանսիայի Պրոֆեսիոնալ ֆուտբոլային լիգան ապրիլի 30-ին հայտարարել էր մրցաշրջանը վաղաժամ ավարտելու որոշում ընդունելու և ՊՍԺ-ին չեմպիոն հռչակելու մասին: Աղբյուրը՝ News.am

Read More